Terça-feira 10 Jun 2008, 13h:50

Се разбира, свиреа по обратен редослед од овој што е во насловот, но сепак заради SWD бев во 9:30 веќе во 8:30 :) Кога се предгрупиве во прашање, имаше нешто наоапку: овие првиве (Diablo) британци-шкоти кои повеќе звучат американски; вториве (Longwave) американци од Њу Јорк, а чиниш се од Манчестер..
Нејсе, од музички аспект, Diablo наликуваат на SWD, што и не е чудо со оглед на влијанијата. Дечките се покажаа сосема солидно, фино конципирани и отсвирени стварчици..Shoegaze revival!!:) Единствените два проблеми на нивниот настап е што имаше не повеќе од стотина души во публика и што зборуваат на акцент неразбирлив на американците, па сами се смееа на шегите меѓу песните…
За да бидеш член на Longwave и да свириш на жичан инструмент веројатно треба да исполнуваш одредени "естески" критериуми: да си метар и 75, да немаш повеќе од 45 кила, да имаш фетиш кон тесни фармерчиња, кошулчиња и лакирани кондурчиња..Стајлинг? Можеби… ама бело чорапче??? Како и да е,
имаа нешто побројна публика (бројот на публика генерално не беше задоволувачки ниту на SWD) а фураат некаков noise-punk-pop кој мене барем, во одреден дел ме потсети на Placebo… Добро си го завршија својот дел, неколку поразиграни ствари и тоа е…Сепак, за бенд кој има 3 албуми зад себе, а четвртиот само што не излегол (иако сеуште се мислат за насловот), очекував повеќе…
И конечено, Swervedriver…Видно подостарени, но максимално професионални и прецизни, направија одлична свирка, а за мое изненадување, добар дел од публиката им ги знаеше песните (иако Англичани, сепак своевремено важеа за најамеричкиот британски бенд).. Duel, Harrie and Maggie, Bring me the head…., Son of a Mustang Ford..отсвирени во еден здив, со минимална комуникација со публиката…точно 60 минути музика, и нормално, бис со last train to satansville …За мене тоа значеше Last train to Arlington.
Се гледаме на Jose Gonzales…

P.S. Шашардисан од омарнината која е актуелна деновиве, заборавив да ја земам камерата и останав без фотки…Штета:(