Ochobre Hardcore Crew

Associar-se Recomendar

Líderes: lluisasturies e street_sound
Política de associação: Aberta
Criado em: 23 Mar 2010
Descrição:

Grupu oficial de la Ochobre Hardcore Crew

Ochobre Hardcore Crew ñaz nel mes homónimu del añu 2009 col enfotu de sofitar la escena hardcore asturiana qu’anguaño ta sofriendo un escaezu pergrande incluso pola xente averada a esta tribu urbana y a esti son.

Esta preséntase como una organización ensin ánimu de lucru y, ente otros, alcontramos estos como oxetivos cimeros: dar sofitu a les bandes de hxc de la escena llocal, da-y entrada a esti mundiu a los grupos que puedan surdir, estender la cultura “harcoreta” como’l New York Hardcore (NYHC), el Straight Edge, la escena de Buenos Aires (BAHC)… intentando deprender d’ellos pero enxamás tornándose nuna mala copia d’ellos ya que la base’l hardcore ye la individualidá.

Dende un primer momentu esta Crew refuga de tendencies como la conocía hateline ya que, ainda siendo esta independiente de cualisquier ideoloxía u organización política, refuga dafechu de cualisquier estilu o banda que sofite dalguna clas de discrimín haza otra xente por temes de raza, sexu u opción sexual. Asinamesmo refuga de los seutores estremistes de la escena hardline, que non de la Straight Edge, pola so más qu’evidente homofobia y les sos posiciones a la escontra’l drechu les muyeres a decidir sobre’l so propiu cuerpu.

Ochobre ta tamién pol movimientu “Failo tú mesmo” (DIY, Do it yourself) el cualu ye una de les esencies más importantes de la escena hardcore global, nel que s’inclui l’autoproducción de discos, camisetes, parches…

Ente les actividaes qu’esta crew ta por promover alcuéntrense: la publicación d’un ezine que se podrá lleer dafechu de baldre nel so web oficial amás d’un fancín en papel, la organización de conciertos, la promoción de les bandes hxc asturianes y la distribución de material (camisetes, chapes…) tanto propiu (col cimeru oxetivu de l’autoxestión) como de les bandes que lo deseyen.

VISITA'L NUESU EZINE!
http://www.ochobre-hardcore.net/

// http://www.myspace.com/ochobrehardcore //